[Dina]

مش مصدقه بجد اللى حصل النهارده
الحمد لله كان يوم جميل وكلنا انبسطنا

الحفله كانت فوق الروعه
اليسا كانت زى القمر كالعاده
كانت لابسه بدى اسود وبنطلون جينز

حضرنا الحفله كلها طبعا انا واختى وماما وبابا
وفودو مى ومعتز ومصطفى ودونز واختها وتامر وحازم وشادى وجعفر
واليسا خدت بالها مننا و من تشجيعنا
وطلبنا منها اغنية زنبى انا وشافونا تنين وغنتهم فعلا
وكانت عماله تقولنا يلا يا فانز علشان نشجع اكتر

بعد ماخلصت الحفله قابلنا اليسا كلنا و طبعا كل الشكر لمستر امين
وطلعنالها فى الاوضه وكلمناها وكلنا اتصورنا معاها

وكانت لذيذه جدا ودمها خفيف وفضلت تهزر معانا
وسالتنا خلصتوا مدارس او جامعات
قلنلها خلصنا

وانا قلتلها انى ان شاء الله لو بقيت مذيعه اول حد هاستضيفه انتى
اليسا ضحكت وقالتلى بدك تصيرى مذيعه
وقالتلى بلاش مذيعه وفضلنا نضحك

ودونز قالتلها طيب انا هاطلع مغنيه
اليسا قالتلها شغله متعبه بلا منها

حد مننا سالها على رايها فى البوم عمرو دياب
قالت انها ماسمعتوش بس سمعت وياه وعجبتها جدا

طبعا كلنا قلنالها انها كانت زى القمر فى الحفله وصوتها كان تحفه
وشكرتنا جدا وقالت انها ناجحه بسبب وجود الفانز جنبها

وسالتها عن الالبوم الجديد
قالت تقريبا خلص
النصيب الاكبر لنادر عبد الله و وليد سعد
لكن تامر على لحد دلوقتى مافيش
هى هاتسمع اغنيتين هو بعتهم ليها وهاتقرر

كمان فى اغنيه مع مروان خورى فى الالبوم ان شاء الله

كمان تميم هايوزع ليها 3 اغانى فى الالبوم لحد دلوقتى

وقلنالها ليه ماتغنيش اغانى قديمه فى الحفلات او بعض من غانيها المظلومه
قالت ان فى اغانى مش بقت تحبها زى الاول
وكمان اقترحنا عليها فكرة الميدلى
وقالت هافكر فى الموضوع

كمان اليسا سالتنا شوفنا فضل او لا
وقلنلها ان احنا شوفناه بس لمدة اغنيه واحده بس
وقالت فضل مهضوم



تقريبا هو ده كل اللى حصل
يارب بس ماكنش نسيت حاجه

استنوا الصور والفيديو فى اقرب وقت ان شاء الله

Originally Posted by Voodoo

بجد يوم كان جامد جدا من اوله و الاجمل ان الفانز كلهم كانو مجمعين مع بعض
aواقفين فى نفس المكان كلنا جايين عشان نعبر عن حبنا لاليسا
محدش كان يعرف اذا كنا هنقابلها تانى فى الاوتيل ولا لا

بس الحفله كانت حلوه جدا اليسا كان مودها حلو جدا جدا جدا جدا
و ابتدت دخلتها بحلوه يا بلدى و كانت مبسوطه جدا بالناس الموجوده كلها و الفانز

و كانت بتهزر كتير بالذات لما الناس طلبت منها تغنى اغنيه بتمون
فا قلولتهم عارفين ياعنى ايه بتمون؟؟؟؟
ياعنى بتمون


و كتير كانت بتضحك الضحكه الكلنا بنعشقها و بنروح الحفلات عشان نشوفها و هى بتضحك قدامنا
المهم بعد ما الحفله خلصت معتز كان واقف ورا الاستيدج و هو هيقولكوا ايه حصل و روحتله بعد الحفله يادوب شوفت اليسا بتتصور مع ناس قبل ما تركب العربيه و مشيت
و بعد كده و قفنا مع اليان و كميل و فضلنا نتكلم شويه

بعد كده اتجمعنا كلنا و كلمنا امين قالنا نروح الاوتيل ليه

كلنا اتقسمنا على العربيات الموجوده و التاكسيات و روحنا على الاوتيل و كنا فعلا ناس كتير جدا

ياعنى تقريبا 15 واحد او اكتر حتى لما روحنا لاليسا روحنا على مرتين امين قال ان احنا كتير من المره الاول و الجم فى الاخر امين قالهم استنو لحد ما المجودين يخلصوا

المهم قعدنا نتكلم مع اليسا شويه زى ما دينا قالت و بعد كده قومنا عشان نتصور عشان مستر امين ابتدى يضايق عشان كان زحمه كتير قوى بجد

و اليسا تعبت قوى من كتر التصوير و التوقيعات للناس الموجوده
و كنا ماشين بمبدا اليتصور يمشى بس قليل الكان بيمشى

المهم انه كان يوم جامد و انا كنت سعيد جدا ان انا شوفت ناس اول مره اشوفها
زى تاكى و تامر و حازم

و طبعا الناس الشوفتهم قبل كده و بجد سعيد ان انا شوفتهم تانى و ان شاء الله ديما كده متجمعين مع بعض على طول

و نفضل طول عمرنا ايد واحده من غير ما حاجه تاثر علينا